A LUTA CONTINUA!

Proclamação da RENETIL 20 de Junho de 1988
RESISTENCIA NACIONAL DOS ESTUDANTES DE TIMOR LESTE
Kria Sociedade nebe kritika, civika no soberana Formasaun Cidadania Hametin instituisaun estadu Kontrola no promove desenvolvimentu social

20 Junho 1988
Fundadores
Kongreso
Historia Congresso Estrutura Document
Hilmar Farid
“Renetil bagi saya bukan sekedar organisai, tapi dia adalah sebuah komitment, dia adalah sebuah senar" - HILMAR FARID (Gerakan Solidaritas untuk Timor).
Fernando La Sama
"prepara elementus profisionais ho konsiensia revolusionaria para rekonstrusaun nasional. Revolusionario ho sentidu katak anti korupsaun, anti nepotismo, anti buat ida dehan katak KKN, servi lolos povu tuir saida mak povu nia hakarak" (AMRT - Arquivo & Museu da Resistência Timorense)
Fernando Lasama Miguel Manetelu Jose Neves Samalarua Francisco JMB Belo

sexta-feira, 1 de abril de 2011

R.I.P. Saudoso Companheiro ZECA "LABADAIN" LEITE

R E N E T I L

Resistencia Nasional dos Estudantes de Timor-Leste

Av. Loriku No. 01 Farol, Dili-Timor Leste

Telp. +670 3310 126, email: renetil_sccp@yahoo.com

AVIZU

HUSIK HELA ONA ITA SAUDOSO COMPANHEIRO ZECA “LABADAIN“ LEITE, RESPONSAVEL PRINSIPAL RENETIL UNER GLENO /SEMARANG PERIODO 1989-1992 TAMBA NE’E HO RESPEITA HUSU COMPANEIRO/A SIRA HOTU ATU BA SIMU LABADAIN NIA MATE ISIN IHA AERO PORTU COMORO IHA

LORON: SABADU

DATA: 02 ABRIL 2011

HORAS: 12:00 OTL HO AVIAUN BATAVIA AIR

OBRIGADU WA’IN BA COMPANHEIRO/A SIRA NIA ATENSAUN NO PARTISIPASAUN.

DILI, 01 ABRIL 2011,

FRANCISCO JMF BELO

SECGEN RENETIL

16 comentários:

renetil disse...

[renetil] Kondulensia ba Companhero Jeca Leite nia familiaThursday, March 31, 2011 8:00 PM
From: "Ray Soares"
To: renetil@yahoogroups.com

Maluk sira,

Familia boot Renetil lakon tan ita nia companhero da luta Jeca Leite, hanesan membru antigu hosi Uner Gleno-Semarang. Seidauk iha informasaun detailu maibe ami simu informasaun katak matebian, ita nia companhero nee iis kotu iha Denpasar ou Surabaya depois ba halo tratamentu mediku iha ne'eba tamba sofre komplikasi, no ikus lakonsege salva nia vida.

Ba familia matebian hau hato'o hau nia sentidu pesames no kondulensia, ho ita hotu nia oracao ita nian compahnero nia klamar bele ba los lalehan.

"RIP Companhero Jeca"

Ray

renetil disse...

Res: [renetil] Kondulensia ba Companhero Jeca Leite nia familiaFriday, April 1, 2011 2:17 AM
From: "naikoli naikoli"
To: renetil@yahoogroups.com

Hau nia kondelezencia ba familia Matebian nian

ARN

renetil disse...

Re: [renetil] Kondulensia ba Companhero Jeca Leite nia familiaFriday, April 1, 2011 2:18 AM
From: "Anata Aparicio" aparicio05@yahoo.com.au>
To: renetil@yahoogroups.com

Triste no hakfodak tebes rona Maun Zeca Leita fila hikas ba aman maromak nia kaduna. Tuir informasaun ikus nebe hu simu katak Comphaneiro Zeca Leite dada is kotu iha hospital Surabaya -Indonesia e nia mate isin sei to'o iha Dili iha Domingo dia 3 Abril, informsaun ne'e seidauk fiksu. Depois iha informasaun foun sei update ba compaheiro/a sira.

Ba Familia Matebian hau hato'o hau nia sentido pesames no kondulensia.

RIP Compahero Zeca

Anata Aparicio

renetil disse...

Re: Res: [renetil] Kondulensia ba Companhero Jeca Leite nia familiaFriday, April 1, 2011 3:03 AM
From: "antonio da"
To: renetil@yahoogroups.com

Hau nia Kondolensias ba familia companheiru no belun Zeca Leite.Nai simu nia iha nia kadunan santu.

Antonio

renetil disse...

Res: [renetil] Kondulensia ba Companhero Jeca Leite nia familiaFriday, April 1, 2011 3:15 AM
From: "Victor Tavares"
To: renetil@yahoogroups.com

Hakfodak no triste tebe-tebes rona Companheiro no Irmão Zeca Leite nian mate. Maibe, nudar ita ema ne'ebe konsiente no fiar katak mate ne'e la konhese lobby no inconformidade ho sentimentu amor, triste, nervozu hosi ema ruma ne'ebe mate nian inan-aman, maun-alin, oan ka amigo hsst. Nune'e, mak ita hotu tenke aseita ita nian Companheiro, maun ka alin Zeca ne'ebe la acompanha tan ona ita iha moris ida ne'e. Zeca nian memoria sei hametin liu tan ita nian unidade iha RENETIL no ho ninian memoria ita continua nafatin iha luta ba RENETIL nian ideária to'o loron ida sei alcança.

BA FAMILIA BOOT HOSI MATEBIAN ZECA, HA'U HO HA'U NIAN FAMILIA AMI NIAN SENTIDO PESAR NO SOLIDARIEDADE !

Victor Tavares ho Familia

renetil disse...

Re: Res: [renetil] Kondulensia ba Companhero Jeca Leite nia familiaFriday, April 1, 2011 3:46 AM
From: "Abel Pires da Silva"
To: renetil@yahoogroups.com

Companheiru/a sira tomak,

Laran triste tebes rona katak Companheiru Jeca Leite (Labadain) husik hela ona ita ba Aman Maromak nia Kadunan.... Hanoin hikas fali tempu uluk serbisu hamutuk iha Uner Gleno (Semarang) tempu nebe ita hotu sei moris iha susar laran, maibe ita nian solidaridade ba malu aas tebes!

Rest In Peace, brother...

Abel

renetil disse...

Re: [renetil] Fw: AVIZU SIMU Mate isin Saudoso Zeca "Labadain "LeiteFriday, April 1, 2011 6:02 AM
From: "Carlos da Silva L. F. R. Saky"
To: renetil@yahoogroups.com

ITA LAKON TAN ITA NIA MAUN-ALIN DI'AK IDA NE'EBE IHA TINAN BARAK NIA LARAN ITA TERUS HO FUNU HAMUTUK UKUN RASIK-AN. HOSI BIBAN NE'E HAU HO FAMILIA TOMAK, HATO'O AMI NIA PROFUNDU KONDULENSIA BA IRMAO E COMPANHEIRO JOSE LEITE NIA FAMILIA TOMAK E DESEJO HODI NIA FAMILIA TOMAK IHA FORSA NAFATIN HODI HASORU SITUASAUN DIFISIL NO TODAN IDA NE'E. ITA REZA TULUN BA AMAN MAROMAK HODI PERDUA NIA SALA NO SIMU NIA KLAMAR IHA NIA KADUNAN. BOA VIAGEM IRMAO E COMPANHEIRO. DESKANSA HO DAME.

Saky ho familia

renetil disse...

Re: Res: [renetil] Kondulensia ba Companhero Jeca Leite nia familiaFriday, April 1, 2011 6:18 AM
From: "Carlos da Silva L. F. R. Saky"
To: renetil@yahoogroups.com
Comapanheiros sira,

Ho triste tebes simu noticia katak irmão e companheiro Zeca Leite fila hikas ona ba aman Maromak nia kadunan. La'os familia irmão Zeca nian de'it maka lakon, maibe membru RENETIL tomak lakon nia irmão e companheiro de luta di'ak ida, companheiro ne'ebé tinan barak terus no luta hamutuk ba ukun rasik an. Ema ida la sei haluha nia kontribuisaun ba ukun rasik an.

Hosi biban ne'e ha'u ho familia hato'o ami nia profundu kondulensia ba irmão e companheiro Zeca nia familia tomak e desejo atu familia boot irmão e companheiro Zeca nian iha forsa nafatin hodi simu situasaun difisil no todan ida ne'e. Ita hotu reza hodi aman Maromak bele perdoa nia sala no simu nia klamar iha nia kadunan. Boa viajem irmão e companheiro. Deskansa ho paz.

Hau labele ba aeroporto simu mate nia isin no tuir funeral matebian nian tamba agora ha'u sei iha Darwin hela.

Saky ho Familia.

renetil disse...

Re: [renetil] Kondulensia ba Companhero Jeca Leite nia familiaFriday, April 1, 2011 11:16 AM
From: "Jose Neves"
To: renetil@yahoogroups.com

Sentimentu kondulensia klean ba ita nia komp. Jeca Leite, Ex-Kuadru senior iha Regiaun Glenu. Nai no matebian funu-nain sira simu nia iha Reinu rohan laek.

Adeus.

renetil disse...

Re: [renetil] Kondulensia ba Companhero Jeca Leite nia familiaFriday, April 1, 2011 4:39 PM
From: "Joaquim da Fonseca"
To: renetil@yahoogroups.com

Companheiro sira hotu,

Obrigado ba informasaun ne'e. Hau rona ho laran susar tebe-tebes katak Companheiro Zeca Leite se'es ona husi ita nia le'et. Hau iha memoria ida ne'ebe hau sei la haluha kona-ba Companheiro Zeca, husi tempu luta no mos tempu ukun a'an. Iha tempu ne'ebe prosesu iha ita nia rai halo ema fasil atu sai 'tersesat', companheiro Zeca kaer metin nafatin ba nia konsiensia hodi tuir nafatin dalan los. Iha fulan Junho 2006, durante krize, wainhira hau hamutuk ho companheiro lobuk ida ba Atabae hodi simu companheiro Adolfo ne'ebe lakon tiha kleur ona, Companheiro Zeca hatete buat ida ba hau ho matan be'en sulin, no husu kompreensaun katak se ita rona lia ruma anin lori hodi hatete katak nia halo buat ruma iha krize laran karik, ida lalika hodi questiona ninia prinsipiu, tamba ne'e nia isin deit. Nia konsiensia mo'os nafatin.

Ita hotu lasan susar katak nia la hamutuk ona ho ita, maibe hau orgulho duni hetan nian hanesan companheiro ida.

RIP ba companheiro Zeca, husu mos kbi'it ba familia ne'ebe nia husik hela.

Russuo

renetil disse...

[renetil] Re:Friday, April 1, 2011 9:58 PM
From: "aviano faria"
To: renetil@yahoogroups.com

Ba membros Renetil tomak,

Liu husi meios dia nee, hau hakarak hato'o mos, hau nia profunda sentida condolencia, ba parentes, familias, amigos no membros Renetil tomak nebe lakon elementos importante ida iha organizacao nia laran, saudoso Zeca nia contribuicao iha organizacao nia laran continua moris nafatin ho ita.

Um abraco de pesames a todos!

Aviano Faria

renetil disse...

Re: [renetil] Kondulensia ba Companhero Jeca Leite nia familia [5 Attachments]Saturday, April 2, 2011 5:49 PM
From: "Ray Soares"
To: renetil@yahoogroups.com


[Attachment(s) from Ray Soares included below]

Kompanheru sira,
Hosi ne'e hau tenta informa deit ba companhero sira katak isin hosi Saudozu Companhero Zeca Leite "LABADAIN" to'o ona iha Dili ohin meudia oras 14.00 ho aviaun Merpati, saudozu nia isin simu hosi familia, parentes, familia boot RENETIL, no ex.Alumni IMPETTU Semarang. Mate isin sai liu hosi odamatan sai VIP nian, ita nian Ex. Secretario Geral Kompanheru La Sama mos marka nia prezensa. Hafoin hosi Aero Portu familia tomak nebee temi iha leten akompanha ita nia saudozu too ba nia uma hela fatin, iha Manemeta Raihun, Tuana Laran. Kona ba prosesu funeral ami seidauk hetan informasaun ruma.

Iha ne'e hau tenta manda mos foto tahan lima nebe'e konsege hasai iha aeroporto. Laran triste wainhira hare ita nia Kompanheru nia isin mate falun ho bandeira RENETIL, ita lakon ita nia kompanheru diak ida.

"RIP Kompanheru LABADAIN"

renetil disse...

Friday at 2:52pm
http://www.facebook.com/profile.php?id=659781101

RENETIL nia fini diak ida foin lakon, Adeus Maun Zeca, adeus kompanheiru Labadain!!

Mica Barreto Soares

gabz disse...

Obrigada barak ba maluk sira husi RENETIL nian supporta. Ha'u nudar familia husi matebian nian hato'o ami nian agradese ba maluk sira nian suporta durante matebian sei moris no to fali tempo nia husik ita. Ami sei la haluha ita bot sira nian suporta ba ami nian familia.

Paz,
subrinha husi matebian tio Jeca.

Ponci C Leite disse...

Caros companheiros e compatriotas,

Hodi familia matebian Zeca "Labadain" Leite nia naran, hato'o agradesimentu ba simpatia, solidadariedade,aliviu no konfortu ne'ebe kompanheirus tomak husi RENETIL fahe ho familia matebian.
Agradese espesialmente ba serimonia resesaun mate-isin espesial no uniku iha aeroportu Prezidente Nicolau Lobatu no akompanha to'o matebian nia hela fatin ihaManumetan Raihun; aktu ne'ebe sei metin ba nafatin iha ita hotu nia memoria. Nudar ema, matebian mos lasees husi sala. Tamba ne'e, karik iha nia moris, iha nia konvivensia, mosu buat ruma ne'ebe halo balu hetan laran susar, husik buat hirak ne'e lakon tuir tempu ne'ebe lao ba oin nafatin no sei lafila. Husik deit matebian ninian esperiensia diak no furak hamutuk ho ita, iha ita ida-idak ninian memoria.
Dala ida tan, obriadu ba atensaun tomak husi RENETIL en jeral no ba membru ida-idak en partikular.
Hakoak boot ba hothotu iha rai liur no iha tasibalu.

Ponci C. Leite, alias Kofitalan Sakunar

Ponci C Leite disse...

Caros companheiros e compatriotas,

Hodi familia matebian Zeca "Labadain" Leite nia naran, hato'o agradesimentu ba simpatia, solidadariedade,aliviu no konfortu ne'ebe kompanheirus tomak husi RENETIL fahe ho familia matebian.
Agradese espesialmente ba serimonia resesaun mate-isin espesial no uniku iha aeroportu Prezidente Nicolau Lobatu no akompanha to'o matebian nia hela fatin ihaManumetan Raihun; aktu ne'ebe sei metin ba nafatin iha ita hotu nia memoria. Nudar ema, matebian mos lasees husi sala. Tamba ne'e, karik iha nia moris, iha nia konvivensia, mosu buat ruma ne'ebe halo balu hetan laran susar, husik buat hirak ne'e lakon tuir tempu ne'ebe lao ba oin nafatin no sei lafila. Husik deit matebian ninian esperiensia diak no furak hamutuk ho ita, iha ita ida-idak ninian memoria.
Dala ida tan, obriadu ba atensaun tomak husi RENETIL en jeral no ba membru ida-idak en partikular.
Hakoak boot ba hothotu iha rai laran no iha tasibalu.

Ponci C. Leite, alias Kofitalan Sakunar